ദ്യശ്യത്തിന്റെ രണ്ടാം ഭാഗത്തിന്റെ ആദ്യ ലൊക്കോഷൻ ചിത്രം കഴിഞ്ഞ ദിവസമാണ് സംവിധായകൻ ജിത്തു ജോസഫ് പുറത്തുവിട്ടത്. ബോക്‌സ് ഓഫീസിൽ വൻ വിജയം കൊയ്ത 2013 ൽ പുറത്തിറങ്ങിയ ദൃശ്യത്തിന്റെ രണ്ടാം ഭാഗം ഒരുക്കുന്നതും ജീത്തു ജോസഫാണ്.കൊവിഡ് മാനദണ്ഡങ്ങൾ പാലിച്ച് ചിത്രത്തിന്റെ ഷൂട്ടിംഗ് ആരംഭിച്ചു.ആറ് വർഷങ്ങൾക്ക് ശേഷം ജോർജ് കുട്ടിയും കുടുംബവും എന്ന ക്യാപ്ഷനോടെയാണ് ജീത്തു ചിത്രം ഫേസ്ബുക്കിൽ പങ്കുവച്ചത്. മോഹൻലാൽ, മീന, അൻസിബ, എസ്തർ എന്നിവർ തന്നെയാണ് കേന്ദ്രകഥാപാത്രങ്ങളായി എത്തുക. സിദ്ദിഖ്, ആശാ ശരത്ത്, സായ്കുമാർ, മുരളി ഗോപി, ഗണേഷ് കുമാർ, സുമേഷ്, ആദം അയൂബ്, അഞ്ജലി നായർ, അജിത് കൂത്താട്ടുകുളം എന്നിവരും പ്രധാന വേഷങ്ങളിലെത്തുന്നു.
ഇപ്പോൾ ആ ഫോട്ടോയെ കുറിച്ചുള്ള ആരാധകരുടെ കമന്റുകളാണ് ശ്രദ്ധേയമാകുന്നത്. ഫോട്ടോയിലുള്ള കാറാണ് ചില ആരാധകർ ശ്രദ്ധിച്ചുനോക്കിയിരിക്കുന്നത്. മഞ്ഞ നിറത്തിലുള്ളതാണ് കാർ. വരുണിന്റെ കാറോണോ അത് എന്നാണ് ഒരു ആരാധകൻ ചോദിക്കുന്നത്.
ദൃശ്യം ഒന്നിൽ കൊല്ലപ്പെട്ട വരുണിന് മാരുതി സെൻ കാറായിരുന്നു ദൃശ്യം ഒന്നിൽ ഉണ്ടായിരുന്നത്. ജീത്തു ജോസഫ് ഷെയർ ചെയ്‍ത ഫോട്ടോയിലെ കാർ വരുണിന്റേത് അല്ലെന്ന് വ്യക്തമാണ്. എന്നാലും തമാശകണക്കിനാണ് ആരാധകർ ഈ ചോദ്യം ചോദിക്കുന്നത്. ദ്യശ്യം ഒന്ന് അത്ര ആഴത്തിൽ മനസ്സിൽ ഉറച്ചുകിടപ്പുണ്ട് എന്നതിന്റെ തെളിവാണ് ചിത്രത്തിലെ വാഹനത്തെപ്പറ്റിയുള്ള ആകാംക്ഷയും.
ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ തന്നെയാണ് രണ്ടാം ഭാഗവും നിർമിക്കുന്നത്. വരുണിന്റെ മരണവും അതിന് ശേഷമുള്ള സംഭവ വികാസങ്ങൾക്കും ശേഷമുള്ള ജോർജുകുട്ടിയുടേയും കുടുംബത്തിന്റേയും ജീവിതമാണ് ദൃശ്യം 2 വിലൂടെ പറയുന്നതെന്ന് സംവിധായകൻ ജീത്തു ജോസഫ് വ്യക്തമാക്കിയിരുന്നു. നിരവധി വൈകാരിക മുഹൂർത്തങ്ങളും സസ്‌പെൻസുമൊക്കെ കോർത്തിണക്കിയായിരിക്കും രണ്ടാം ഭാഗം പ്രേക്ഷകർക്ക് മുന്നിൽ എത്തുക.
