തന്നെ അപമാനിക്കാൻ ശ്രമിച്ച യുവാവിനെ പൊതുമധ്യത്തിലിട്ട് പൊതിരെ തല്ലി വനിത ബോക്സർ (വീഡിയോ)

വനിത ബോക്സറെ അപമാനിക്കാൻ ശ്രമിച്ച യുവാവിന് കിട്ടിയത് മുട്ടൻ പണി. യുവാവിനെ വനിത ബോക്സർ പിടികൂടി പൊതിരെ തല്ലി. ലക്‌നൗവില്‍ ആണ് സംഭവം ഉണ്ടായത്. ഇതിൻ്റെ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്.

പതിനെട്ട് വയസുകാരിയായ ബോക്‌സിംഗ് വിദ്യാര്‍ത്ഥിയാണ് തന്നെ അപമാനിക്കാന്‍ ശ്രമിച്ച ആളെ പൊതുമധ്യത്തില്‍ വച്ച് കൈയോടെ പിടികൂടി പെരുമാറിയത്. അമ്മയുമായി ആശുപത്രിയിലെത്തിയപ്പോഴാണ് നിഷ പ്രവീണ്‍ എന്ന പെണ്‍കുട്ടിയെ യുവാവ് അപമാനിക്കാന്‍ ശ്രമിച്ചത്.

നിഷ യുവാവിന്റെ ടീ ഷര്‍ട്ടില്‍ കുത്തിപ്പിടിക്കുകയും മര്‍ദ്ദിക്കുകയും ചെയ്തു. പെണ്‍കുട്ടിയുടെ മര്‍ദ്ദനത്തില്‍ നിന്ന് രക്ഷപ്പെട്ട് ഓടിപ്പോകാന്‍ യുവാവ് ശ്രമിക്കുന്നുണ്ടെങ്കിലും നിലത്തുവീഴുകയും മുറിവേല്‍ക്കുകയും ചെയ്തു.