എറണാകുളം സ്വദേശിയായ സുഭാഷ് മാത്യൂസിന്റെ ബാങ്ക് അക്കൗണ്ടില്‍ അദ്ദേഹം അറിയാതെ എത്തിയ 2,30,156 രൂപ കണ്ട് ഞെട്ടിയിരിക്കുകയാണ്. ഭവന സബ്‌സിഡിയുണ്ടെന്നു പോലും അറിയാത്ത, യാതൊരു നൂലാമാലകളുമില്ലാതെ ആ തുക അക്കൗണ്ടില്‍ നേരിട്ട്, ലഭിച്ച ഒരു സാധാരണക്കാരന്റെ സന്തോഷവും അതിശയവും അടങ്ങിയ ഫേസ്ബുക്ക് പോസ്റ്റിലൂടെയാണ് അദ്ദേഹം രംഗത്തെത്തിയത്.
സുഭാഷ് മാത്യൂസിന്റെ ഫേസ്ബുക്ക് പോസ്റ്റിന്റെ പൂര്‍ണരൂപം:മോദിയെകൊണ്ട് ബുദ്ധിമുട്ടായല്ലോ !മകനൊരു ഭവന വായ്പ എടുത്തിരുന്നു, ഇക്കഴിഞ്ഞ ജനുവരിയില്‍.കഴിഞ്ഞ ദിവസം അക്കൗണ്ട്ല്‍ 2,30,000 രൂപ ക്രെഡിറ്റ്‌ ആയിരിക്കുന്നു.
കേന്ദ്ര സര്‍ക്കാര്‍ വക സബ്സിഡി ആണത്രേ, പ്രത്യേകം അപേക്ഷയോ കിടുതാപ്പുകളോ വേണ്ടപോലും ! ബാങ്ക് ലോണ്‍ പാസ്സാക്കിയാല്‍ സബ്സിഡി 18 ലക്ഷം രൂപ വരെ വാര്‍ഷിക വരുമാനമുള്ളവര്‍ക്ക് അവര്‍ ബാങ്കില്‍ കൊടുത്ത രേഖകളുടെ മാത്രം അടിസ്ഥാനത്തില്‍ ലഭിക്കും.അപ്പോള്‍ ഇന്ത്യയൊട്ടാകെ എത്ര ലക്ഷം / കോടി കുടുംബങ്ങള്‍ക്ക് ഈ സഹായം ലഭിച്ചു കാണും!എന്നിട്ടും ഒരു ഒച്ചയും വിളിയും നെഞ്ചത്തടിയും ഒരിടത്തുനിന്നും കേട്ട ഓര്‍മ്മയില്ല.
