കൊവിഡ് വാക്‌സിനില്‍ സാത്താന്റെ അടയാളമുണ്ട്, ഉപയോഗിച്ചാല്‍ സ്വര്‍ഗത്തില്‍ പോകില്ല; സുന്ദര്‍ സെല്‍വരാജ്

കോവിഡ് വാക്‌സിന്‍ ഉപയോഗിക്കരുതെ്ന്നും അതില്‍ സാത്താന്റെ അടയാളമുണ്ടെന്നും ക്രിസ്ത്യന്‍ മിഷനറിയായ സുന്ദര്‍ സെല്‍വരാജ്. അതില്‍ ഉള്ളത് സാത്താന്റെ അടയാളമാണെന്നും ,അത് സ്വീകരിച്ചാല്‍ സ്വര്‍ഗ്ഗത്തില്‍ പോകാനാകില്ല എന്നുമാണ് അദ്ദേഹത്തിന്റെ സന്ദേശം. ഇത്തരത്തിലുള്ള അദ്ദേഹത്തിന്റെ സന്ദേശങ്ങള്‍ പരത്തുന്ന ദൃശ്യങ്ങള്‍ ഇപ്പോള്‍ പ്രചരിച്ചുകൊണ്ടിരിക്കുകയാണ.് ജീസസ് മിനിസ്ട്രീസ് എന്ന പേരില്‍ ചാരിറ്റി സംഘടന സ്ഥാപിച്ച് ,വിദേശത്ത് നിന്നുമടക്കം കോടികള്‍ സമ്പാദിക്കുന്ന സുന്ദര്‍ സെല്‍വരാജ് കൊറോണ വാക്‌സിന്‍ സ്വീകരിക്കുന്നതിനെതിരെ പരസ്യം എന്ന രീതിയിലാണ് ദൃശ്യങ്ങള്‍ ചിത്രീകരിച്ച് ചാനല്‍ വഴി പുറത്ത് വിട്ടത് .

”ഇത് ഒരു സാധാരണ വാക്‌സിന്‍ ആണെങ്കില്‍, അത് ഒരു ദോഷവും ഇല്ല. എന്നാല്‍ മറ്റ് രണ്ട് ശക്തികള്‍ കൂടി ഇതില്‍ ഉള്‍പ്പെടുന്നുണ്ട് . അത് ഡിജിറ്റല്‍ ഐഡന്റിറ്റിയും സാമ്പത്തിക ഇടപാടുമാണ്. അതുകൊണ്ട് കര്‍ത്താവായ യേശുക്രിസ്തുവിന്റെ നാമത്തില്‍ നിങ്ങള്‍ക്ക് മുന്നറിയിപ്പ് നല്‍കുന്നു. മൃഗത്തിന്റെ അടയാളമുള്ള ചിപ്പ് ഇതില്‍ ഉണ്ട്. അത് സാത്താന്റെ ചിഹ്നമാണ് . അതിനാല്‍ വാക്‌സിനേഷന്‍ എടുക്കരുത്”, ഇത്തരത്തിലാണ് ദൃശ്യങ്ങളില്‍ പറയുന്നത് .

Loading...