ഇന്ത്യ ലാഹോറിലേക്ക് കടക്കും എന്ന സന്ദേശമാണ് സര്‍ജിക്കല്‍ സ്‌ട്രൈക്ക്; ആര്‍.എസ്.എസ് നേതാവ്

നാഗ്പൂര്‍: ലാഹോറിലേക്ക് ഏതുസമയത്തും ഇന്ത്യയ്ക്ക് പ്രവേശിക്കാന്‍ കഴിയുമെന്ന സന്ദേശമാണ് സര്‍ജിക്കല്‍ സ്‌ട്രൈക്കിലൂടെ ഇന്ത്യ പാകിസ്ഥാന് നല്‍കിയതെന്ന പ്രസ്താവനയുമായി ആര്‍.എസ്.എസ് നേതാവ് ഇന്ദ്രേഷ് കുമാര്‍. തീവ്രവാദികളെ വധിക്കുക എന്നതാണ് ബി.ജെ.പിയുടെ ലക്ഷ്യം. ഈ ലക്ഷ്യം നേടിയതിനാലാണ് ജമ്മു കാശ്മീരിലെ സഖ്യ സര്‍ക്കാരില്‍ നിന്ന് ബി.ജെ.പി പിന്‍മാറിയതെന്ന് ഇന്ദ്രേഷ് പറഞ്ഞു.

അഖണ്ഡ ഭാരതമാണ് തങ്ങളുടെ ലക്ഷ്യം. നാഗ്പൂരിലും ലാഹോര്‍, റാവല്‍പിണ്ടി തുടങ്ങി പാകിസ്ഥാന്‍ പ്രവിശ്യകളിലെല്ലാം ആര്‍.എസ്.എസ് കേന്ദ്രങ്ങള്‍ സ്ഥാപിക്കുക എന്നത് പ്രധാന സ്വപ്‌നമാണെന്നും ഇന്ദ്രേഷ് കുമാര്‍ പറഞ്ഞു.