മുന്‍ വിദ്യാര്‍ത്ഥിയായ 15കാരന് സ്വന്തം നഗ്ന ഫോട്ടോകള്‍ അയച്ചു കൊടുത്തു; അമേരിക്കന്‍ സൗന്ദര്യറാണിയായ സയന്‍സ് അധ്യാപികയ്ക്ക് കിട്ടിയത് മുട്ടന്‍ പണി

മുന്‍ വിദ്യാര്‍ത്ഥിയായ 15കാരന് സ്വന്തം നഗ്ന ഫോട്ടോകള്‍ അയച്ചു കൊടുത്ത അധ്യാപികയായ അമേരിക്കന്‍ സൗന്ദര്യ റാണിക്ക് കിട്ടിയത് മുട്ടന്‍ പണി. മിസ് കെന്റുകിയായി ജയിച്ച് മിസ് അമേരിക്ക മത്സരത്തിലും പങ്കെടുത്ത അധ്യാപിക കൂടിയായ രാംസേ ബിയേഴ്‌സാണ് സ്വന്തം നഗ്ന ദൃശ്യങ്ങളുടെ പേരില്‍ കുടുങ്ങിയത്. നേരത്തെ ആറിലും എട്ടിലും തന്റെ വിദ്യാര്‍ത്ഥിയായിരുന്ന പയ്യന് നഗ്നയായ ചിത്രം സ്‌നാപ്ചാറ്റിലൂടെ അച്ച് കൊടുക്കുകയായിരുന്നു. 20 വര്‍ഷത്തെ തടവ് ശിക്ഷയാണ് ഇവര്‍ നേരിടേണ്ടി വരിക.

സംഭവത്തെ തുടര്‍ന്ന് ബിയേഴ്‌സ് ജോലി ചെയ്തിരുന്ന ആന്‍ഡ്രൂ ജാക്‌സണ്‍ മിഡില്‍ സ്‌കൂള്‍ അവരെ സസ്‌പെന്റ് ചെയ്തു. കഴിഞ്ഞ ആഗസ്റ്റ് മുതല്‍ ഒക്ടോബര്‍ വരെയുള്ള സമയത്താണ് മുന്‍ വിദ്യാര്‍ത്ഥിക്ക് അധ്യാപിക നഗ്നചിത്രം അയച്ച് കൊടുത്തത്. വിദ്യാര്‍ത്ഥിയുടെ ഫോണില്‍ അധ്യാപികയുടെ നഗ്നദൃശ്യം അമ്മ കണ്ടതോടെയാണ് ബിയേഴ്‌സിന് കുടുക്ക് വീഴുന്നത്. അവര്‍ ഉടന്‍ തന്നെ അധികൃതരെ വിവരം അറിയിക്കുകയും കേസെടുക്കുകയുമായിരുന്നു. കുറ്റക്കാരിയാണെന്ന് കണ്ടെത്തിയാല്‍ 20 വര്‍ഷം തടവും ഒരു ലക്ഷം ഡോളര്‍ വരെ പിഴയും നല്‍കേണ്ട കുറ്റമാണ്.

സംഭവത്തില്‍ ബിയേഴ്‌സ് ജാമ്യം നേടിയിട്ടുണ്ട്. ബീയേഴ്‌സ് സ്‌കൂളിലെ മറ്റു കുട്ടികള്‍ക്കും ഫോട്ടോ അയച്ചിട്ടുണ്ടോ എന്ന് വ്യക്തമല്ല. സമാന രീതിയില്‍ ബിയേഴ്‌സില്‍ നിന്നും അനുഭവം നേരിട്ടവര്‍ ഉണ്ടെങ്കില്‍ തെളിവു നല്‍കാന്‍ മുമ്പോട്ട് വരണമെന്ന് പോലീസ് അഭ്യര്‍ത്ഥിച്ചു. മുമ്പ് സൗന്ദര്യമത്സരത്തില്‍ ജേതാവായി അമേരിക്കന്‍ സൗന്ദര്യറാണി മത്സരത്തില്‍ പങ്കെടുത്ത ബിയേഴ്‌സ് പിന്നീട് തന്റെ സ്വപ്നമായ അദ്ധ്യാപിക ജോലിയിലേക്ക് എത്തുക ആയിരുന്നു. ആറാം ക്ലാസ്സിലും എട്ടിലും ഇരയായ വിദ്യാര്‍ത്ഥിയുടെ ശാസ്ത്രാദ്ധ്യാപികയായിരുന്നു ബിയേഴ്‌സ്.

അതേസമയം നഗ്‌നമാറിടങ്ങളോട് കൂടിയ ചിത്രം താന്‍ തന്നെയാണ് പയ്യന് അയച്ചു കൊടുത്തത് എന്ന് ബിയേഴ്‌സ് സമ്മതിക്കുകയും ചെയ്തു. 2014 ല്‍ കാര്‍പെന്റര്‍ എന്ന പേരില്‍ മിസ് കെന്റുകി കിരീടം നേടിയ ബിയേഴ്‌സ് 2015 ല്‍ നടന്ന മിസ് അമേരിക്ക മത്സരത്തില്‍ പങ്കെടുക്കുകയും ആദ്യ 12 പേരില്‍ ഇടംപിടിക്കുകയും ചെയ്തിരുന്നു. 2016 ല്‍ ഖനി വ്യവസായിയെ വിവാഹം ചെയ്തു.