കാണ്‍പൂര്‍ ട്രെയിന്‍ ദുരന്തത്തില്‍ മരണസംഖ്യ 91 ആയി; നിരവധി ട്രെയിനുകള്‍ വ‍ഴിതിരിച്ചുവിട്ടു

കാണ്‍പുര്‍: ഉത്തര്‍പ്രദേശിലെ കാണ്‍പുരില്‍ ട്രെയിന്‍ പാളം തെറ്റി 91 പേര്‍ മരിച്ചു. പട്നയില്‍നിന്ന് ഇന്‍ഡോറിലേക്കു പോയ എക്സ്പ്രസ് ട്രെയിനാണ് കാണ്‍പുരിന് സമീപമുള്ള പുഖരായനില്‍ ഇന്നു പുലര്‍ച്ചെ അപകടത്തില്‍പെട്ടത്. മരണസംഖ്യ ഉയരാന്‍ സാധ്യതയുണ്ടെന്നാണു റിപ്പോര്‍ട്ട്. ഇരുനൂറിലേറെപ്പേര്‍ക്കു പരുക്കേറ്റിട്ടുണ്ട്. പലരുടെയും നില ഗുരുതരമാണ്. നാല്‍പത്തഞ്ചു മൃതദേഹം കണ്ടെടുത്തു. അന്വേഷണത്തിന് റെയില്‍ മന്ത്രി സുരേഷ് പ്രഭു ഉത്തരവിട്ടു. ട്രെയിനിന്‍റെ പതിനാലു കോച്ചുകള്‍ പാളം തെറ്റി. അപകടകാരണം വ്യക്തമല്ല. മെഡിക്കല്‍ സംഘം സ്ഥലത്തെത്തിയിട്ടുണ്ട്. അപകടത്തെത്തുടര്‍ന്നു നിരവധി ട്രെയിനുകള്‍ വ‍ഴിതിരിച്ചുവിട്ടിട്ടുണ്ട്. രക്ഷാ പ്രവര്‍ത്തനം തുടരുകയാണ്. ഇവരെ സമീപത്തെ ആശുപത്രികളില്‍ പ്രവേശിപ്പിച്ചിരിക്കുകയാണ്. മരിച്ചവരിലും പരുക്കേറ്റവരിലും അധികംപേരും എസി കോച്ചുകളിലുണ്ടായിരുന്നവരാണ്. ട്രെയിനിലെ പതിനാലു കോച്ചുകളാണ് പാളം തെറ്റിയത്.

നാല് എസി കോച്ചുകളും രണ്ട് സ്ലീപ്പര്‍ കോച്ചുകളുമാണു കാര്യമായ രീതിയില്‍ തകര്‍ന്നത്. എസ് 2 കോച്ച് തൊട്ടടുത്ത കോച്ചിലേക്ക് ഇിടിച്ചു കയറി. കോച്ചുകള്‍ ഭൂരിഭാഗവും പാളത്തില്‍നിന്നു മറിയുകയും ചെയ്തു. വിജനമായ പ്രദേശത്താണ് അപകടമുണ്ടായത്. ദേശീയപാതയില്‍നിന്ന് ആറു കിലോമീറ്ററോളം അകലെയാണ് റെയില്‍പാത കടന്നുപോകുന്നത്.