ട്രംപിന്റെ ടിക്ടോക് നിരോധന ഉത്തരവിന് സ്‌റ്റേ; സ്‌റ്റേ പ്രാബല്യത്തില്‍ വരാന്‍ മണിക്കൂറുകള്‍ ബാക്കിനില്‍ക്കെ

വാഷിംങ്ടണ്‍: ഇന്ത്യ ടിക്ടോക് നിരോധിച്ചതിന് പിന്നാലെ അമേരിക്കയും ടിക്ടോക് നിരോധിച്ച് രംഗത്ത് എത്തിയിരുന്നു. എന്നാല്‍ ട്രംപിന്റെ നിരോധന ഉത്തരവിന് കോടതി സ്റ്റേ ഏര്‍പ്പെടുത്തിയിരിക്കുകയാണ്. നിരോധന ഉത്തരവ് പ്രാബല്യത്തില്‍ വരാന്‍ മണിക്കൂറുകള്‍ മാത്രം ബാക്കി നില്‍ക്കെയാണ് സ്റ്റേ ഏര്‍പ്പെടുത്തിയിരിക്കുന്നത്. വാഷിങ്ടണിലെ യു.എസ് ജില്ലാ കോടതി ജഡ്ജി കാള്‍ നിക്കോള്‍സ് ആണ് ഉത്തരവിന് താല്‍ക്കാലിക സ്‌റ്റേ പുറപ്പെടുവിച്ചിരിക്കുന്നത്.

ടിക്ടോക് സമര്‍പ്പിച്ച ഹര്‍ജി പരിഗണിച്ചുകൊണ്ടായിരുന്നു ജഡ്ജിയുടെ താല്‍ക്കാലിക നടപടി. ടിക്ടോക്കിന്റെ കമ്പനിക്ക് ചൈനീസ് സര്‍ക്കാരുമായി ബന്ധമുണ്ടെന്നും ഇത് ദേശീയസുരക്ഷയ്ക്ക് വെല്ലുവിളിയാണെന്നും ചൂണ്ടിക്കാട്ടിയായിരുന്നു ഭരണകൂടം ടിക്ടോക്കിനെതിരെ നടപടി എടുത്തത്. തിങ്കളാഴ്ച അര്‍ധരാത്രി മുതലായിരുന്നു ടിക്ടോക് ഡൗണ്‍ലോഡ് ചെയ്യുന്നതിന് നിരോധനം ഏര്‍പ്പെടുത്തിയത്. അതേസമയം തന്നെ നവംബര്‍ 12 വരെ ഇത് ഉപയോഗിക്കാനുള്ള അനുമതിയും ട്രംപ് നല്‍കിയിരുന്നു.

Loading...