യുഎഇയില്‍ ഗ്രീന്‍ പാസിന് കൊവിഡ് പരിശോധന കാലാവധി കുറച്ചു

യുഎഇയില്‍ അല്‍ ഹുസ്‍ന്‍ ആപ്ലിക്കേഷനിലെ ഗ്രീന്‍ പാസിന് ആവശ്യമായ കൊവിഡ് പരിശോധനയുടെ കാലാവധി 30 ദിവസത്തില്‍ നിന്ന് 14 ദിവസമാക്കി കുറച്ചു. പുതിയ നിബന്ധന ജൂണ്‍ 15 ബുധനാഴ്ച മുതലായിരിക്കും പ്രാബല്യത്തില്‍ വരികയെന്ന് വാര്‍ത്താ സമ്മേളനത്തില്‍ സംസാരിക്കവെ സര്‍ക്കാര്‍ വക്താവ് അറിയിച്ചു.

അബുദാബിയിലെ പല പൊതുസ്ഥാപനങ്ങളിലും പ്രവേശിക്കാന്‍ അല്‍ ഹുസ്ന്‍ ആപ്ലിക്കേഷനിലെ ഗ്രീന്‍ സ്റ്റാറ്റസ് ആവശ്യമാണ്. ഒരാഴ്ച കൊണ്ട് യുഎഇയിലെ കൊവിഡ് കേസുകളില്‍ ഇരട്ടിയോളം വര്‍ദ്ധനവ് രേഖപ്പെടുത്തിയ സാചര്യത്തിലാണ് പുതിയ നിയന്ത്രണം ഏര്‍പ്പെടുത്തിയത്. തിങ്കളാഴ്ചയാണ് ഇത് സംബന്ധിച്ച അറിയിപ്പ് അധികൃതര്‍ പുറപ്പെടുവിച്ചത്.

Loading...

വിദ്യാഭ്യാസ രംഗത്തുള്ള അധ്യാപകര്‍ക്കും വിദ്യാര്‍ത്ഥികള്‍ക്കും ജൂണ്‍ 20 തിങ്കളാഴ്ച മുതലായിരിക്കും ഇത് ബാധകമാവുകയെന്നും അറിയിച്ചിട്ടുണ്ട്. പുതിയ അറിയിപ്പ് പ്രകാരം വാക്സിനെടുത്തവര്‍ക്ക് അല്‍ ഹുസ്‍ന്‍ ആപ്ലിക്കേഷനില്‍ ഗ്രീന്‍ പാസ് ലഭിക്കുന്നതിന് നിലവില്‍ 30 ദിവസത്തിലൊരിക്കലായിരുന്നു കൊവിഡ് പരിശോധന നടത്തിയിരുന്നതെങ്കില്‍ ഇനി 14 ദിവസത്തിലൊരിക്കല്‍ കൊവിഡ് പരിശോധന നടത്തണം.