National News Top Stories

വായു ചുഴലി ഭീകര രൂപം പ്രാപിക്കുന്നു…ഭീതിയോടെ ഗുജറാത്ത്‌…വിമാനത്താവളങ്ങൾ അടച്ചു… 3ലക്ഷം പേരെ മാറ്റിപ്പാർപ്പിച്ചു

അഹമ്മദാബാദ്: ഗുജറാത്തിനെ ഭീതിയിൽ ആഴ്ത്തി ‘വായു’ ചുഴലിക്കാറ്റ് അതിതീവ്രരൂപം പ്രാപിച്ച് തീരത്തേക്ക് അടുക്കുന്നു. പോർബന്ദറിനും മഹുവയ്ക്കുമിടയിൽ വെരാവൽ ദിയു മേഖലയ്ക്കടുത്ത് ചുഴലിക്കാറ്റ് തീരം തൊടുമെന്നാണ് കാലാവസ്ഥാ നിരീക്ഷണ കേന്ദ്രത്തിന്‍റെ മുന്നറിയിപ്പ്.

മണിക്കൂറിൽ 165 കിലോമീറ്റർ വരെ വേഗത്തിൽ കാറ്റ് വീശുമെന്നും കാലാവസ്ഥാ നിരീക്ഷണ കേന്ദ്രം പറയുന്നു. ഏകദേശം 3 ലക്ഷം പേരെ മാറ്റിപ്പാർപ്പിച്ചിരിക്കുകയാണ്. എല്ലാവരോടും സർക്കാർ നടപടികളോട് സഹകരിക്കണമെന്ന് അഭ്യർത്ഥിച്ചിട്ടുണ്ടെന്നും ഗുജറാത്തിലെ അഡീ. ചീഫ് സെക്രട്ടറി പങ്കജ് കുമാർ അറിയിച്ചു.

സംസ്ഥാനത്തെ സ്കൂളുകൾക്ക് അവധി പ്രഖ്യാപിച്ചിട്ടുണ്ട്. ഗുജറാത്തിലെ അഞ്ച് വിമാനത്താവളങ്ങൾ അടച്ചു. എഴുപതോളം ട്രെയിനുകൾ റദ്ദാക്കി. എന്നാൽ, അടിയന്തര സാഹചര്യങ്ങളിൽ സർവീസ് നടത്താനുള്ള ട്രെയിനുകളെ സജ്ജമാക്കിയിട്ടുണ്ടെന്നും അധികൃതർ അറിയിച്ചു.

കഴിഞ്ഞ ദിവസം വായു ചുഴലിക്കാറ്റിൽ ആദ്യത്തെ മരണം മുംബൈയിൽ റിപ്പോർട്ട് ചെയ്തിരുന്നു. മുംബൈയിൽ അതിശക്തമായി വീശിയ കാറ്റിൽ ഹോർഡിങ് തകർന്ന് വീണാണ് 62കാരനായ ഒരാളാണ് മരിച്ചത്. മധുകർ നർവേകർ എന്ന കാൽനട യാത്രികനാണ് മരിച്ചത്. ഇദ്ദേഹം ചർച്ച് ഗേറ്റ് റെയിൽവെ സ്റ്റേഷന് സമീപത്ത് കൂടി നടന്നുപോകുമ്പോൾ 81 അടി നീളവും 54 അടി വീതിയുമുള്ള മഹാത്മാ ഗാന്ധിയുടെ കൂറ്റൻ മ്യൂറൽ പെയിന്റിങിന്റെ ക്ലാഡിങ് താഴേക്ക് പതിക്കുകയായിരുന്നു. ഇദ്ദേഹത്തെ ഉടൻ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

ജാഗ്രതാ നിർദേശം നൽകിയ പശ്ചാത്തലത്തിൽ കേന്ദ്ര ആഭ്യന്തര മന്ത്രി അമിത് ഷാ ഒരുക്കങ്ങൾ വിലയിരുത്തിയിരുന്നു. വേണ്ടത്ര ദുരിതാശ്വാസക്യാമ്പുകൾ തുറക്കണമെന്നും കൃത്യമായ ഇടവേളകളിൽ ജനങ്ങൾക്ക് ജാഗ്രതാ നിർദേശം നൽകണമെന്നും ആവശ്യമായ മറ്റ് നടപടികൾ സ്വീകരിക്കണമെന്നും അധികൃതർക്ക് കേന്ദ്ര ആഭ്യന്തരമന്ത്രാലയം നിർദേശം നൽകിയിട്ടുണ്ട്.

ദേശീയ ദുരന്ത നിവാരണ സേനയുടെ 25 ടീമുകളെ ഗുജറാത്തിലേക്ക് നിയോഗിച്ചിട്ടുണ്ട്. ഓരോ കമ്പനിയിലും 45 പേരടങ്ങുന്ന സംഘത്തെയാണ് നിയോഗിച്ചിട്ടുള്ളത്. ബോട്ടുകളും മരങ്ങൾ മുറിച്ച് നീക്കാനുള്ള സാമഗ്രികളും ടെലികോം ഉപകരണങ്ങളും ആവശ്യത്തിന് ഓരോ ടീമിന്‍റെയും പക്കലുണ്ട്. ഇവിടേക്ക് പത്ത് ടീമുകളെക്കൂടി നിയോഗിക്കാൻ ഗുജറാത്ത് സർക്കാർ അഭ്യർത്ഥിച്ചിരുന്നു.

നാളെ രാവിലേക്ക് ഈ സംഘങ്ങളും അവിടേക്ക് എത്തും. ഇതോടെ ആകെ 35 കമ്പനി കേന്ദ്രസേന ഇവിടെ രക്ഷാപ്രവർത്തനത്തിനായി എത്തും.

വൈദ്യുതി, വാർത്താ വിനിമയം എന്നീ സൗകര്യങ്ങളും കുടിക്കാൻ ശുദ്ധമായ വെള്ളം ഉറപ്പാക്കുകയും ആശുപത്രികൾ സജ്ജമാക്കുകയും ചെയ്യണമെന്ന് കേന്ദ്ര ആഭ്യന്തരമന്ത്രാലയം അധികൃതർക്ക് നിർദേശം നൽകിയിട്ടുണ്ട്. ഇതിലേതെങ്കിലുമൊന്നിന് തടസ്സം നേരിട്ടാൽ അടിയന്തരമായി ഇടപെടണമെന്നും നിർദേശമുണ്ട്.

പ്രദേശത്ത് നിരീക്ഷണത്തിനായി എല്ലാ സന്നാഹങ്ങളും തയ്യാറാക്കാനാണ് നിർദേശം. വായുസേനയോട് വ്യോമനിരീക്ഷണത്തിനായി ഹെലികോപ്റ്ററുകൾ സജ്ജമാക്കാനും നിർദേശിച്ചു. 24 മണിക്കൂറും പ്രവർത്തിക്കുന്ന കൺട്രോൾ റൂമുകൾ തുറന്നിട്ടുണ്ട്.

ഗുജറാത്ത്, മഹാരാഷ്ട്ര, ഗോവ, കർണാടക, ദാമൻ ദിയു എന്നിവിടങ്ങളിൽ ചുഴലിക്കാറ്റിന്‍റെ പ്രഭാവം പ്രതിഫലിക്കാനിടയുണ്ട്. ഇവിടങ്ങളിൽ കനത്ത മഴ പെയ്യുമ്പോൾ ജാഗ്രതാ നിർദേശങ്ങൾ നൽകിയിട്ടുണ്ട്.

തീരദേശസംരക്ഷണ സേന, നാവിക, വായു, കരസേനകൾക്ക് പ്രത്യേക നിർദേശം നൽകിയിട്ടുണ്ട്.

Related posts

കോട്ടയത്ത് അമിതമായി മദ്യപിച്ച നിലയില്‍ നാല് കുട്ടികള്‍ ആശുപത്രിയില്‍

subeditor12

കോന്നി പെണ്‍കുട്ടികളുടെ മരണം: എസ്എഫ്‌ഐ നേതാവിനെ ചോദ്യം ചെയ്തു

subeditor

1945 ഓഗസ്റ്റ് 18ന് അങ്ങനെ ഒരു വിമാന അപകടം ഉണ്ടായിട്ടില്ല ; ആ അപകടത്തില്‍ നേതാജി കൊല്ലപ്പെട്ടിട്ടില്ല ; അപകടം നടന്നത് ഫ്രഞ്ച് അധീന മേഖലയില്‍ ..?

”സി.പി.എമ്മിനു വേണ്ടത് അടിമകളായ എഴുത്തുകാരെ’; സി.പി.എമ്മിനെതിരേ ആഞ്ഞടിച്ച് പി. വത്സല

subeditor

‘അത് ജനിതക പ്രശ്‌നമാണ്, സെന്‍കുമാര്‍ ബിജെപി അംഗമല്ല’, മുന്‍ ഡിജിപിയെ വിമര്‍ശിച്ച് കേന്ദ്രമന്ത്രി അല്‍ഫോണ്‍സ് കണ്ണന്താനം

subeditor10

വല്യച്ഛന്റെ പിടിയില്‍ നിന്നും രക്ഷനേടാന്‍ ദുര്‍ഗന്ധത്തില്‍ മുങ്ങിയ ഏഴാംക്ലാസുകാരി, അച്ഛനാല്‍ പീഡിപ്പിക്കപ്പെട്ടവള്‍; ഉള്ള് പൊള്ളിക്കുന്ന ഏഴ് അനുഭവങ്ങള്‍

subeditor10

സ്‌കൂട്ടറില്‍ സഞ്ചരിക്കുകയായിരുന്ന യുവതിയുടെ മുഖത്ത് ആസിഡ് ഒഴിച്ചയാള്‍ പിടിയില്‍

ബാബരി മസ്ജിദ് തകര്‍ത്തവരെയും തൂക്കിക്കൊല്ലണം: ഉവൈസി

subeditor

ദുബായില്‍ മെട്രോ, ട്രാം സമയം മാറുന്നു.

subeditor

സൂക്ഷിക്കുക അവര്‍ എത്തിയിട്ടുണ്ട് എന്തും ചെയ്യാന്‍ മടിയില്ലാത്തവര്‍ കൊള്ളയും കൊലയും കണ്ട് അറപ്പു തീര്‍ന്നവര്‍, എ.ടി.എം തട്ടിപ്പിനായി ഹരിയാനയില്‍ നിന്ന് വന്‍ സംഘം കേരളത്തില്‍

ലോ അക്കാഡമി പ്രിൻസിപ്പൽ സ്ഥാനം രാജിവയ്ക്കില്ലെന്ന് ലക്ഷ്മി നായർ

തുഷാര്‍ ഉള്‍പ്പെടെ എന്‍ഡിഎയുടെ ആരും ജയിക്കില്ലെന്ന് വെള്ളാപ്പള്ളിയുടെ പ്രവചനം… ശ്രീധരന്‍ പിളള മിടുക്കനാണ് പക്ഷേ ശനിദശയാണ്

subeditor5