വിദ്യയുടെയും പ്രേകുമാറിന്റെയും മകനെ ഏറ്റെടുക്കാന്‍ ബന്ധുക്കളും തയ്യാറായില്ല; ആറാം ക്ലാസുകാരന്‍ അനാഥനായി

വിദ്യയുടെയും പ്രേം കുമാറിന്റേയും ഇളയമകന്‍ ആരോരുമില്ലാതെ തെരുവിലിറങ്ങേണ്ട അവസ്ഥയിലുമായി. വിദ്യ ഇവരുടെ മൂത്തമകളെ ബന്ധുക്കള്‍ ഏറ്റെടുത്തിരുന്നു. എന്നാല്‍ കുടുംബ പ്രശ്നങ്ങളെ തുടര്‍ന്ന് മകനെ ഏറ്റെടുക്കാന്‍ വിസമ്മതിച്ചു.

ഇതോടെ കുട്ടിയെ ചൈല്‍ഡ് വെല്‍ഫെയര്‍ കമ്മിറ്റി സംരക്ഷണകേന്ദ്രത്തിലേക്ക് മാറ്റി. വിദേശത്ത് ജോലി പോകുകയാണെന്നും അതിനാല്‍ പഠിക്കാന്‍ സംരക്ഷണ കേന്ദ്രത്തിലാക്കാമെന്നും മകനെ വിശ്വസിപ്പിച്ച് ഇവിടേക്ക് കൊണ്ടുപോകും വഴിയാണ് പ്രേംകുമാര്‍ പോലീസ് പിടിയിലായത്. ഇതോടെ സുനിതയും പ്രേംകുമാറും കാണിച്ച ക്രൂരതയ്ക്ക് ഇരയായത് ഈ പത്തുവയസുകാരനാണ്. ഒറ്റ നിമിഷംകൊണ്ട് അച്ഛനും അമ്മയും സഹോദരിയും അവനില്ലാതായി. സംഭവം പുറത്തറിയുന്നതിനു മുന്‍പ് തന്നെ പ്രേംകുമാര്‍ മക്കളെ തിരുവനന്തപുരത്തേക്ക് മാറ്റിയിരുന്നു. പ്രേംകുമാറിന്റെ സ്വഭാവത്തില്‍ പേടിതോന്നിയ ഒന്‍പതാം ക്ലാസുകാരിയായ മൂത്തമകള്‍ സ്‌കൂള്‍ കൗണ്‍സിലറോട് പരാതി പറഞ്ഞതോടെ കുട്ടികള്‍ ചൈല്‍ഡ് വെല്‍ഫയര്‍ കമ്മിറ്റിയുടെ മുന്നിലെത്തി. കമ്മിറ്റി പ്രേംകുമാറിന്റെ ബന്ധുക്കളെ വിളിച്ചുവരുത്തിയപ്പോള്‍ അവര്‍ മകളെ മാത്രം ഏറ്റെടുത്തു.

Loading...

ബന്ധുക്കള്‍ കയ്യൊഴിഞ്ഞ മകനെ ചൈല്‍ഡ് വെല്‍ഫയര്‍ കമ്മിറ്റിയെ ഏല്‍പ്പിച്ച് വിദേശത്തേക്ക് കടക്കാനായിരുന്നു പ്രേംകുമാറിന്റെ നീക്കം. അതേസമയം, ആറാം ക്ലാസുകാരനെ ഏറ്റെടുക്കാന്‍ തയാറാണോയെന്ന് ബന്ധുക്കളോട് ഒരിക്കല്‍കൂടി അന്വേഷിക്കുമെന്നും തുടര്‍ന്ന് ആവശ്യമായ നടപടികള്‍ സ്വീകരിക്കുമെന്നും അധികൃതര്‍ അറിയിച്ചു.