സീരിയല്‍ താരം വിവേക് ഗോപന്‍ ബിജെപിയില്‍ ചേര്‍ന്നു

തൃശൂര്‍ : സീരിയല്‍ താരം വിവേക് ഗോപന്‍ ബിജെപിയില്‍ ചേര്‍ന്നു.ബിജെപി സംസ്ഥാന അധ്യക്ഷന്‍ കെ.സുരേന്ദ്രനാണ് വിവേകിനെ പൊന്നാടയണിയിച്ച് സ്വീകരിച്ചത്.പുതുക്കാട് മണ്ഡലത്തിലെ ആമ്പല്ലൂരില്‍ വിജയ യാത്രയ്ക്ക് നല്‍കിയ സ്വീകരണ പരിപാടിക്കിടെയായിരുന്നു വിവേക് ബിജെപിയില്‍ ചേര്‍ന്നത്. നേരത്തെ തന്നെ ബിജെപിയില്‍ ചേരുമെന്ന് വിവേക് ഗോപന്‍ വ്യക്തമാക്കിയിരുന്നു.

എന്‍ഡിഎയുടെ സ്ഥാനാര്‍ത്ഥി നിര്‍ണയം വേഗം പൂര്‍ത്തിയാക്കുമെന്ന് തൃശൂരില്‍ നടന്ന വാര്‍ത്താ സമ്മേളനത്തില്‍ ബിജെപി സംസ്ഥാന പ്രസിഡന്റ് കെ.സുരേന്ദ്രന്‍ പറഞ്ഞു. നേമത്ത് ഉള്‍പ്പെടെ യുഡിഎഫ്-എല്‍ഡിഎഫ് രഹസ്യ ധാരണ നിലവില്‍ വന്നു. ചെന്നിത്തല ഉള്‍പ്പെടെയുള്ള സംസ്ഥാന നേതാക്കളുടെ ഇടപെടലിന്റെ ഫലമാണ് ഈ സഖ്യം. നേമത്ത് ഇതിന് വേണ്ടി നേതാക്കള്‍ പ്രചാരണം തുടങ്ങി. ഈ രാഷ്ട്രീയ അധാര്‍മ്മികതജനങ്ങളിലെത്തിച്ച് ഇരു മുന്നണികളെയും തുറന്നു കാണിക്കുമെന്നും അദ്ദേഹം പറഞ്ഞു.

Loading...