ന്യൂഡൽഹി: നടക്കാനിരിക്കുന്ന ഉപതിരഞ്ഞെടുപ്പുകളിൽ പശ്ചിമ ബംഗാളിലേയും അരുണാചൽ പ്രദേശിലേയും
സ്ഥാനാർത്ഥികളുടെ പട്ടിക ബിജെപി പുറത്തുവിട്ടു. കേന്ദ്ര തിരഞ്ഞെടുപ്പ് കമ്മിറ്റിയാണ് പട്ടിക പുറത്തിറക്കിയത്. . ജനുവരിയിൽ അഞ്ച് സംസ്ഥാനങ്ങളിലെ ആറ് നിയമസഭാ സീറ്റുകളിലേക്കുള്ള ഉപതിരഞ്ഞെടുപ്പിന്റെ ക്രമപട്ടിക തിരഞ്ഞെടുപ്പ് കമ്മീഷൻ പ്രഖ്യാപിച്ചിരുന്നു.
അരുണാചൽ പ്രദേശിലെ ലുംല സീറ്റിൽ സെറിംഗ് ലാമുവിനെയും പശ്ചിമ ബംഗാളിലെ സാഗർദിഗി മണ്ഡലത്തിൽ ദിലീപ് സാഹയെയും മത്സരിപ്പിക്കാനാണ് പാർട്ടി തീരുമാനിച്ചിരിക്കുന്നത്. അരുണാചൽ പ്രദേശ്, ജാർഖണ്ഡ്, പശ്ചിമ ബംഗാൾ, തമിഴ്നാട് എന്നിവിടങ്ങളിലെ ഓരോ നിയമസഭാ മണ്ഡലങ്ങളിലേക്കും, മഹാരാഷ്‌ട്രയിലെ രണ്ട് നിയമസഭാ മണ്ഡലങ്ങളിലേക്കും ഫെബ്രുവരി 27 ന് ഉപതിരഞ്ഞെടുപ്പ് നടക്കും.
ഫെബ്രുവരി 7 ആണ് നാമനിർദേശ പത്രിക സമർപ്പിക്കാനുള്ള അവസാന തീയതി. നാമനിർദ്ദേശ പത്രികകളുടെ സൂക്ഷ്മപരിശോധന ഫെബ്രുവരി 8 ന് നടക്കും. ഫെബ്രുവരി 10 വരെയാണ് സ്ഥാനാർത്ഥികൾക്ക് പത്രിക പിൻവലിക്കാനുള്ള അവസാന തീയതി
