കൊച്ചി: നടിയെ ആക്രമിച്ച കേസിൽ നടി കാവ്യ മാധവനെ പോലീസ് ചോദ്യം ചെയ്തു. രാവിലെ പതിനൊന്ന് മണിക്ക് ആരംഭിച്ച ചോദ്യം ചെയ്യൽ വൈകുന്നേരം അഞ്ചു മണിവരെ നീണ്ടെന്ന് റിപ്പോർട്ട് ചെയ്യുന്നു. ദിലീപിന്റെ ആലുവയിലുള്ള വീട്ടിലെത്തിയായിരുന്നു ചോദ്യം ചെയ്യല്. ചോദ്യം ചെയ്യലുമായി കാവ്യാ മാധവന് പൂര്ണ്ണമായും സഹകരിച്ചതായി പോലീസ് പറഞ്ഞു.
കേസില് നിര്ണ്ണായക വിവരങ്ങള് കാവ്യാ മാധവനില് നിന്നും ലഭിച്ചതായാണ് വിവരം.ചോദ്യം ചെയ്യലുമായി സഹകരിക്കാമെന്നും എന്നാല് ആലുവയിലെ പൊലീസ് ക്ലബില് ഹാജരാകാന് അസൗകര്യമുണ്ടെന്നും കാവ്യ പറഞ്ഞിരുന്നു. ചോദ്യം ചെയ്യലിന് കാവ്യ പറയുന്നിടത്ത് എത്താമെന്നായിരുന്നു പോലീസിന്റെ വിശദീകരണം. ഇതേത്തുടര്ന്നാണ് ആലുവയിലെ വസതിയില് പോലീസ് എത്തിയത്.നടിയുടെ ആക്രമിച്ചകേസ് നിര്ഭയയെക്കാള് പ്രഹരശേഷിയുളളതാണെന്ന് പ്രോസിക്യൂഷന്. നടിയുടെ രഹസ്യ മൊഴി പ്രതിഭാഗത്തിന് നല്കരുത്. നടിയുടെ മൊഴി തുറന്ന കോടതിയില് രേഖപെടുത്താനാകില്ലെന്നും കോടതി നടപടികള് രഹസ്യമാക്കണമെന്നും പ്രോസിക്യൂഷന് ആവശ്യപ്പെട്ടു.
നടിയെ ഉപദ്രവിക്കുന്നതിന്റെ ദൃശ്യങ്ങള് നടി കാവ്യാ മാധവന്റെ വസ്ത്രവ്യാപാര സ്ഥാപനത്തില് ഏല്പ്പിച്ചിരുന്നുവെന്ന് പള്സര് സുനി യുടെ വെളിപ്പെടുലിനെ തുടര്ന്ന് കാവ്യ മാധവന്റെ ഷോപ്പിലെത്തി പോലീസ് പരിശോധന നടത്തിയെങ്കിലും മെമ്മറി കാര്ഡിലെ വിവരങ്ങള് ലഭിച്ചിരുന്നില്ല.