വണ്ടിത്താവളം: വീട്ടിലെ കിണറ്റിൽ വീണ യുവതിയ്ക്ക് രക്ഷകരായി എത്തിയത് അഗ്നിരക്ഷാസേനയും കുടുംബക്കാരും. പടിഞ്ഞാറേക്കോട് ഷിജിത്തിൻറെ ഭാര്യ രേഷ്മ ആണ് കിണറ്റിൽ വീണത്. ബുധനാഴ്ച രാവിലെ 6.45 നായിരുന്നു സംഭവം. കിണറ്റിൽ വീണ ശബ്ദം കേട്ട് ഭർത്താവും ബന്ധുവും ഒപ്പം ചാടി രേഷ്മയെ വെള്ളത്തിനു മുകളിൽ താങ്ങി നിർത്തി.തുടർന്ന്, സംഭവമറിഞ്ഞ് എത്തിയ അഗ്നിരക്ഷാസേന യുവതിയെ രക്ഷപ്പെടുത്തി താലൂക്ക് ആശുപത്രിയിൽ പ്രവേശിപ്പിച്ചു. നാല്പതടി താഴ്ചയുള്ള കിണറ്റിൽ ഇരുപതടിയോളം വെള്ളമുണ്ടായിരുന്നു. ചിറ്റൂർ അസി.സ്റ്റേഷൻ ഓഫീസർ കെ.സത്യപ്രകാശാണ് രക്ഷാപ്രവർത്തനത്തിന് നേതൃത്വം നൽകിയത്.