പാലക്കാട്. പിടി 7നെ പിടിച്ചതിന് പിന്നാലെ ധോണിയിലെ ജനവാസ മേഖലയിൽ വീണ്ടും കാട്ടാനയിറങ്ങി. ചേലക്കാട് ചൂലിപ്പാടത്താണു കൃഷിയിടത്തിൽ രാത്രി ഏഴ് മണിയോടെ കാട്ടാനയിറങ്ങിയത്. വനത്തിൽ നിന്നും നാട്ടിലിറങ്ങിയ കാട്ടാന തെങ്ങും കവുങ്ങും ഉൾപ്പെടെ കൃഷിനശിപ്പിച്ചതായി നാട്ടുകാർ പറഞ്ഞു.
കാടിറങ്ങി നാടുവിറപ്പിച്ച കൊമ്പനാന പിടി 7 കൂട്ടിലായതിന്റെ പിറ്റേന്നാണ് അടുത്ത കൊമ്പന്റെ വരവ്. ധോണി മേഖലയെ വിറപ്പിച്ച പിടി 7 കൊമ്പൻ പിടിയിലായപ്പോൾ വനംമന്ത്രി എകെ ശശീന്ദ്രൻ ധോണി എന്നാണു പേരിട്ടത്. ഇതിനെ പരിശീലിപ്പിച്ചു കുങ്കിയാനയാക്കാനാണു തീരുമാനം.
Loading...
പാലക്കാട് ജില്ലയിലെ മലമ്പുഴ, മുണ്ടൂർ, ധോണി മേഖലയിൽ രണ്ടു വർഷത്തിലേറെയായി വ്യാപകമായി കൃഷി നശിപ്പിച്ചു നാട്ടുകാർക്കു പേടിസ്വപ്നമായിരുന്നു പിടി 7 എന്ന കാട്ടാന.
