മുംബൈ: ബോളിവുഡ് നടി കത്രീന കൈഫിനെ കാണ്മാനില്ല. സിനിമയിലല്ല, ശരിക്കും നടിയെ കാണാനില്ലെന്നാണു റിപ്പോര്ട്ടുകള്. നടിയെ കണെ്ടത്താന് അവരുടെ മാനേജര് നടത്തിയ എല്ലാ ശ്രമങ്ങളും പരാജയപ്പെട്ടത്രേ. ഗൂഗിള് മാപ്പിന്റെ സഹായത്തോടെ മഹാരാഷ്്ട്രയിലെ ചില പ്രദേശങ്ങളില് കത്രീനയ്ക്കായി തെരച്ചില് തുടരുകയാണ്. നടിയുടെ ഫോണ് സ്വിച്ച് ഓഫാണ്.
സോഷ്യല് മീഡിയയിലൂടെയാണു കാണാതായ വാര്ത്ത പ്രചരിക്കുന്നത്. നടിയെ കാണാതായതു സംബന്ധിച്ചു പോലീസില് പരാതിയൊന്നും ലഭിച്ചിട്ടില്ല. ഇക്കാരണംകൊണ്ടുതന്നെ വാര്ത്തയ്ക്കു സ്ഥിരീകരണമില്ല.
അടുത്തിടെ കോണ്ഗ്രസ് ഉപാധ്യക്ഷന് രാഹുല് ഗാന്ധി പൊതുജനമധ്യത്തില്നിന്നു മാറിനിന്നതു വലിയ വാര്ത്തയായിരുന്നു. പോലീസ് അന്വേഷണവും ആരംഭിച്ചിരുന്നു. 27ന് അദ്ദേഹം മടങ്ങിവരുമെന്ന വിവരം ലഭിച്ചതിനു പിന്നാലെയാണ് ഒരു ബോളിവുഡ് നടി അപ്രത്യക്ഷയായിരിക്കുന്നത്.